2:52 AZ | RUS | ENG

.
               Təqvim

Super Ajax Calendar

Səhifənin xəritəsi



xəbərlər

Vətəndaşların seçki hüququ sahəsində maarifləndirilməsi ilə bağlı növbəti tədbir Şahbuz rayonunda keçirilib.


Naxçıvan Muxtar Respublikasının İnsan Hüquqları üzrə Müvəkkili (Ombudsman) və Naxçıvan Muxtar Respublikası Mərkəzi Seçki Komissiyası tərəfindən birgə təsdiq olunmuş tədbirlər planına uyğun olaraq Naxçıvan şəhərində və muxtar respublikanın rayonlarında vətəndaşların seçki hüququnun konstitusion əsasları ilə bağlı tədbirlər keçirilir.
Parlament seçkilərinə həsr olunmuş növbəti tədbir avqustun 21-də Şahbuz şəhər İnzibati Ərazi Dairəsi üzrə Nümayəndəlikdə həyata keçirilib.


Tədbirdə Naxçıvan Muxtar Respublikasının İnsan Hüquqları üzrə Müvəkkili (Ombudsman), Naxçıvan Muxtar Respublikası Mərkəzi Seçki Komissiyası və Şahbuz Rayon İcra Hakimiyyətinin əməkdaşları, seçki məntəqələrinin məsul şəxsləri və gənc seçicilər iştirak edib.
Əvvəlcə Müvəkkil aparatının şöbə müdiri Asiman Abbasov, Şahbuz Rayon İcra Hakimiyyətinin şöbə müdiri Arzu Əhmədov giriş nitqi ilə çıxış edərək vətəndaşların seçki hüququnun normativ-hüquqi bazasının təkmilləşdirilməsi, seçkilərin hüquqi, demokratik dövlət quruculuğu, insan hüquq və azadlıqlarının təmini və milli qanunvericiliyin inkişafı prinsiplərinə uyğun həyata keçirilməsi barədə tədbir iştirakçılarına məlumat veriblər.


Sonra Ombudsman aparatı tərəfindən hazırlanmış "Azərbaycan parlamenti müstəqillik illərində" adlı videoçarx nümayiş olunub, "Vətəndaşların seçki hüququnun təmini" mövzusunda təqdimat verilib, ilk dəfə seçki hüququndan istifadə edən gənclərə "Mənim seçki hüququm" adlı bukletlər paylanılıb.
Sonda mövzu ətrafında fikir mübadiləsi aparılıb.

21.08.2024













Copyright © 2009. Naxçıvan Muxtar Respublikasının İnsan Hüquqları üzrə Müvəkkili (Ombudsman).