Aprel ayı ərzində Naxçıvan Muxtar Respublikasının İnsan Hüquqları üzrə Müvəkkilinin (Ombudsmanın) Preventiv Mexanizm qrupunun üzvləri Naxçıvan Muxtar Respublikası Səhiyyə Nazirliyinin tabeliyində olan Psixi Xəstəliklər Dispanserinə və Naxçıvan Muxtar Respublikası Daxili İşlər Naziriliyinin Babək rayon polis şöbəsinə başçəkmələr həyata keçirmişlər.
Həyata keçirilən başçəkmələr zamanı Preventiv Mexanizm qrupunun üzvləri adı çəkilən müəssisələrdə saxlanılan şəxslərin saxlanma şəraitini, tibb xidmətin vəziyyətini, qidanın keyfiyyətini, işçi heyətin onlara rəftarını diqqət mərkəzində saxlamışlar.
Həmçinin, bu müəssisələrdə saxlanılan şəxslərlə qrup şəklində və ya təkbətək çoxsaylı söhbətlər aparılmış, söhbətlər zamanı saxlanılan şəxslər bu müəssisələrdə saxlanılma şəraitindən, qidanın keyfiyyətindən və onlara qarşı rəftardan narazılıq etməmişdlər.
Başçəkmələr zamanı Preventiv Mexanizm qrupunun üzvləri tərəfindən hər hansı pozuntu halları müşahidə edilməmişdir.

                                                                                                            02/05/2014