14:57 AZ | RUS | ENG

.

               Təqvim

Super Ajax Calendar

Səhifənin xəritəsi



xəbərlər

   Tələbələr arasında hüquq olimpiadası keçirilib.


   Noyabr ayının 8-də Naxçıvan Dövlət Universitetində Naxçıvan Muxtar Respublikasının ali və orta ixtisas təhsili müəssisələrinin tələbələri arasında hüquq olimpiadasının I turu keçirilib.
   Bu turda II və III kurs olmaqla, ümumilikdə, 178 tələbə iştirak edib. I turda Azərbaycan Respublikası və Naxçıvan Muxtar Respublikası konstitusiyalarına, muxtariyyətin tarixi və hüquqi əsaslarına dair 60 suala cavab verməli olan tələbələri qarşıda olimpiadanın II turu gözləyir. Bu turda da iştirakçılara test üsulu ilə 60 sual təqdim ediləcək.
    Xatırladaq ki, məktəblilər arasında keçirilən hüquq olimpiadasının I turu noyabr ayının 5-də keçirilib.
  Naxçıvan Muxtar Respublikasının İnsan Hüquqları üzrə Müvəkkilinin (Ombudsmanın) və Naxçıvan Muxtar Respublikası Təhsil Nazirliyinin təşkilatçılığı ilə keçirilən olimpiadanın nəticələri dövlət qurumları və elm, təhsil müəssisələrinin nümayəndələrindən ibarət yaradılan münsiflər heyəti tərəfindən yoxlanılacaq. Olimpiadanın II (yekun) turunda ən yüksək bal toplayan tələbə və şagirdlər qalib elan ediləcəklər.


                                                                                                           14/11/2014
















      

Copyright © 2009. Naxçıvan Muxtar Respublikasının İnsan Hüquqları üzrə Müvəkkili (Ombudsman).