1:01 AZ | RUS | ENG

.
               Təqvim

Super Ajax Calendar

Səhifənin xəritəsi



Xüsusi təhsilə cəlb olunanların valideynlərinə və ya digər qanuni nümayəndələrinə uşaqlarını

Xüsusi təhsilə cəlb olunanların valideynlərinə və ya digər qanuni nümayəndələrinə uşaqlarını xüsusi təhsil müəssisəsinə, sağlamlıq və reabilitasiya mərkəzlərinə və tibb müəssisələrinə aparıb-gətirmək üçün müavinətin həcminin müəyyən edilməsi haqqında
 
NAXÇIVAN MUXTAR RESPUBLİKASININ NAZİRLƏR KABİNETİ QƏRARI
 
Naxçıvan Muxtar Respublikasının Nazirlər Kabineti qərara alır:
1.Xüsusi təhsilə cəlb olunanların valideynlərinə və ya digər qanuni nümayəndələrinə uşaqlarını xüsusi təhsil müəssisəsinə, sağlamlıq və reabilitasiya mərkəzlərinə və tibb müəssisələrinə aparıb-gətirmək üçün ayda 50 (əlli) manat həcmində müavinət müəyyən edilsin.
2.Evdə təhsilə cəlb olunanların valideynlərinə və ya digər qanuni nümayəndələrinə uşaqlarını sağlamlıq və reabilitasiya mərkəzlərinə və tibb müəssisələrinə aparıb-gətirmək üçün ayda 50 (əlli) manat həcmində müavinət müəyyən edilsin.
3.Göstərilən məqsədə tələb olunan xərclərin ödənilməsi dövlət büdcəsində "Təhsil xərcləri" üzrə nəzərdə tutulmuş vəsait hesabına təmin edilsin.
4.Naxçıvan Muxtar Respublikasının Maliyyə Nazirliyi və Təhsil Nazirliyi bu Qərardan irəli gələn məsələləri həll etsinlər.
5.Bu Qərar imzalandığı gündən qüvvəyə minir.
 
Naxçıvan Muxtar Respublikasının Baş naziri Səbuhi Məmmədov
 
Naxçıvan şəhəri, 15 fevral 2021-ci il
 
¹ 44













Copyright © 2009. Naxçıvan Muxtar Respublikasının İnsan Hüquqları üzrə Müvəkkili (Ombudsman).